ఇప్పటికీ జెనీలియాని అంతా 'బొమ్మరిల్లు' హాసిని అనే పిలుస్తారు. ఆ పాత్ర ద్వారా తెలుగు ప్రేక్షకుల్ని అంతగా ఆకట్టుకున్న జెన్నీ మనసులో మాటలని ఆమె మాటల్లోనే చదవండి...హాయ్... ఏమిటీ.. జెనీలియా ప్రతి సినిమాలోనూ అల్లరి పిల్లలా కనపడుతుందీ, అనుకుంటున్నారు కదూ.. మీరే కాదులెండి... చాలా మంది నన్ను ఇదే విషయం అడుగుతూ వుంటారు. నిజమే...నేను మామూలుగా కూడా అల్లరిపిల్లనే! ఇంకా చెప్పాలంటే నేను టాం బాయ్ ని! ఎవరో ఏదో అనుకుంటారని నా ఎంజాయ్ మెంట్ ని పాడుచేసుకోలేను. చిన్నప్పుడైతే ఇక చెప్పేక్కర్లేదు. అల్లరంతా మనదే! ఫ్రెండ్స్ తో కలిసి అన్ని విషయాల్లోనూ చాలా హడావిడి చేసేదాన్ని. అల్లరికి తోడు మనం స్పోర్ట్స్ లో చాలా యాక్టివ్. పర్టిక్యులర్ గా ఒక ఆట అంటూ లేదు. ఏ ఆటలోనైనా సరే నేనే ముందుండే దాన్ని. బేస్కేట్ బాల్, క్రికెట్, హాకీ... అన్ని ఆటలూ ఆడాను. మీకో విషయం తెలియదు. నేను స్పోర్ట్స్ లో స్టేట్ లెవెల్ దాకా వెళ్లాను.కాలేజ్ రోజుల్లో ముంబై ఆర్ధర్ రోడ్ లోని కాఫీ బార్లలోనే ఎక్కువగా గడిపేదాన్ని. ఫ్రెండ్స్ తో కలిసి అక్కడ కాఫీ తాగుతుంటే అసలు సమయమే తెలిసేది కాదు. ఇప్పటికీ అక్కడికి వెళ్ళాలనిపిస్తుంది. సాదా సీదా అమ్మాయిలా ఆ బార్లో కూర్చుని, కబుర్లు చెప్పుకుంటూ కాఫీ సిప్ చేయాలనిపిస్తుంది. అప్పుడప్పుడు వెళుతుంటా కూడా. అయితే, బిజీ వల్ల ఈమధ్య అసలు కుదరడం లేదు. అయ్ మిస్ ఎ లాట్!
మీకో విషయం తెలసా? అసలు నేను సినిమాల్లోకి వస్తానని అనుకోలేదు. మోడలింగులో కూడా పెద్దగా అనుభవం లేదు. అలాంటిది అనుకోకుండా రామోజీరావు గారు నిర్మించిన 'తుజే మేరీ కసం' సినిమాకి సెలెక్ట్ అయ్యాను. అయితే, మా పేరెంట్స్ వెంటనే ఒప్పుకోలేదు. ఎందుకంటే, సినిమా వాతావరణం గురించి అప్పటికే వాళ్లకి వేరే అభిప్రాయం వుంది. దాంతో కాస్త టైం పట్టింది వాళ్లు ఓకే చెప్పడానికి. నేను కూడా ముందు భయపడ్డాను. తర్వాత అలా అలా అంతా అలవాటైపోయింది. తర్వాత కెరీర్ లో ఎన్నో అప్ అండ్ దౌన్స్ చూసాను. మెల్లిగా పీక్ పాయింట్ కి చేరాను. అయితే, ఎప్పుడూ నేను భయపడలేదు. ఏ పరిస్థితిలోనూ కూడా పారిపోదామనిపించలేదు. ఇక్కడే వుండి సాధించాలనుకున్నాను. ఎన్నో మాటలు పడ్డాను. నేనుంటే సినిమాలు ఫ్లాప్ అన్నారు. అన్నిటినీ మౌనంగా భరించాను. ఒక్కసారి హిట్ వచ్చాక మళ్లీ అంతా నన్ను పొగడడం మొదలెట్టారు. నేను అటు అపజయాలనీ, ఇటు జయాలనీ రెండింటినీ సమానంగానే స్వీకరించాను. దేనికీ కుంగిపోలేదు, దేనికీ మిడిసిపడలేదు. అంతా మన అదృష్టాన్ని బట్టే వుంటుంది. అంతే!
ఇప్పుడు బాలీవుడ్ లో రెండు సినిమాలు చేస్తున్నాను. ఇక్కడ కూడా నాకు మంచి పేరే వచ్చింది. సౌత్ లో చేస్తూనే హిందీలో కూడా చేస్తాను. దేనినీ వదులుకోను. సౌత్ లో లానే బాలీవుడ్ లో కూడా నాకు మంచి గౌరవం ఇస్తున్నారు. ఇక సెట్ లో నేను ఎక్కడున్నా ఒకటే. సరదాగా వుంటాను. నా చుట్టూ వున్న వాళ్లు కూడా అలాగే వుండాలని కోరుకుంటాను. గలగలా మాట్లాడడమే నాకు తెలుసు. మూతి బిడాయించుకుని రిజర్వేడ్ గా వుండడం ఈ జెన్నీకి తెలియదు. తానెప్పుడూ ఇలాగే జోష్ తో వుంటుంది!
బాలీవుడ్ హీరో సల్మాన్ ఖాన్ ని రహస్యంగా పెళ్లి చేసుకుందంటూ కధానాయిక అశిన్ మీద ఈమధ్య రూమర్లు వచ్చిన సంగతి మనకు తెల్సు. ఈ వార్త సద్దుమణగక ముందే మరో వార్త ఈ మల్లూ బేబీని ఉక్కిరిబిక్కిరి చేస్తోంది. అదేమిటంటే, 'టూ పీస్' బికిని ధరించి ఈ అమ్మడు కెమెరాలకు పోజులిచ్చిందంటూ వచ్చిన వార్తలు ఆమెను బాగా అప్ సెట్ చేసాయి. దానికి తోడు అటువంటి ఫొటోలు కూడా ఇంటర్ నెట్ లో బాగా షికార్లు చేస్తుండడంతో అవి ఆమె కంట కూడా పడ్డాయి. అయితే, ఆ ఫొటోలు తనవి కావనీ, మార్ఫింగ్ మాయాజాలంతో కొంతమంది ఆకతాయీలు చేసిన ఫొటోలనీ అశిన్ వివరణ ఇస్తోంది. "ఆ ఫొటోలు చూసాను. అసలు నా ఫిజిక్ కీ, ఆ ఫొటోలలోని ఫిజిక్ కీ సంబంధమే లేదు. ఎవరో తుంటరోళ్లు చేసిన మార్ఫింగ్ ఫొటోలివి. నేనెప్పుడూ ఇలా బికినీలు వేసుకోను. సినిమాలు లేకపోతే ఇంట్లోనైనా కూర్చుంటాను తప్ప ఇలాంటి పోజులివ్వను" అంటూ కాస్త ఎమోషనల్ గా చెప్పింది అశిన్. కావాలంటే ఆ ఫొటోలను మీరూ నెట్ లో చూడొచ్చు!
బాలకృష్ణ అభిమానులకు ఈరోజు పండగ రోజు. ఎందుకంటే, వాళ్లు ఎంతో ఆత్రుతతో ఎదురుచూస్తున్న 'పరమ వీర చక్ర' చిత్రం విడుదల నేడే! 'సింహా' వంటి సూపర్ హిట్ తర్వాత బాలకృష్ణ చేస్తున్న ఈ చిత్రం ఆయన కెరీర్ లో నిలిచిపోయేలా రూపొందిందని చెబుతున్నారు. ఈ నేపధ్యంలో ఆ చిత్రం గురించి బాలకృష్ణ చెప్పిన విశేషాలు ఆయన ఇంటర్వ్యులో చదవండి.
బాలీవుడ్ భామ విద్యాబాలన్ కి ఉన్నట్టుండి ఇప్పుడు సౌత్ మీదకి, అందులోనూ టాలీవుడ్ మీదకి దృష్టి మళ్లింది. తెలుగు సినిమాల్లో చేయాలని వుందని చెబుతోంది. పైగా, టాలీవుడ్ నుంచి అవకాశాలు కూడా వస్తున్నాయట. "మా అమ్మా, నాన్న కూడా దక్షిణాది చిత్రాల్లో చేయమని ఎప్పటి నుంచో సలహా ఇస్తున్నారు. నాకు కూడా తెలుగు సినిమాలంటే ఇష్టం. బాగా రిచ్ గా తీస్తారు. టాలీవుడ్ నుంచి ఎప్పటి నుంచో ఆఫర్లు వస్తున్నాయి. మంచి ఆఫర్ చూసుకుని చేస్తాను" అంటోంది విద్య. గతంలో 'శంకర్ దాదా జిందాబాద్' సినిమా కోసం అడిగినప్పుడు ఈవిడ రేటెక్కువ చెప్పి, తప్పించుకుంది. ఇప్పుడు బాలీవుడ్ లో తనని పట్టించుకునే వాళ్లు లేకపోవడంతో టాలీవుడ్ మీద విద్య ప్రేమ ఒలకబోస్తోంది. అయినా, ఇప్పుడు ఈమెను బుక్ చేసుకోవడానికి ఇక్కడ ఎవరూ అంత రెడీగా లేరులెండి!
